Фото: rs.gov.lv
16 красавіка латвійскія памежнікі вылавілі з Дзвіны дзве трактарныя шыны з беларускімі цыгарэтамі.
Памежны нарад заўважыў падазроныя аб’екты ў Дзвіне ў раёне Піедруі. Падплыўшы на лодцы бліжэй, памежнікі высветлілі, што гэта былі дзве трактарныя шыны з цюкамі, абгорнутымі ў плёнку. Унутры знаходзілася больш за 62 тысячы цыгарэт NZ Gold Superslim з беларускімі акцызнымі маркамі.
Пачата крымінальная справа, паведамляе Памежная служба Латвіі.
Гэта ўжо другі плыт з цыгарэтамі, які прыплыў у Латвію з Беларусі за тыдзень. Такія ж шыны выцягнулі з ракі 10 красавіка.