Ормузский пролив. Вид со спутника. Изображение: Википедия
Іран абвясціў аб адкрыцці Армузскага праліва для камерцыйных судоў «на астатні перыяд перамір’я». Пра гэта заявіў міністр замежных спраў Ірана Абас Аракчы.
«У адпаведнасці са спыненнем агню ў Ліване, праход для ўсіх камерцыйных судоў праз Армузскі праліў абвяшчаецца цалкам адкрытым на астатні перыяд спынення агню па ўзгодненым маршруце, раней абвешчаным Арганізацыяй партоў і марскога суднаходства Ісламскай Рэспублікі Іран», — напісаў ён у сацсетцы X.
Раней прэзідэнт ЗША Дональд Трамп заявіў, што Ізраіль і Ліван дасягнулі дамоўленасці аб дзесяцідзённым перамір’і. Яно пачало дзейнічаць з 17 красавіка.
Тэгеран заблакаваў праліў пасля пачатку ваеннай аперацыі ЗША і Ізраіля супраць Ірана.