Фото: president.gov.ua
Прэзідэнт Украіны Уладзімір Зяленскі сёння раніцай у сетцы Х адказаў на віншаванні лідараў замежных дзяржаў з Днём незалежнасці Украіны, які адзначаўся ўчора. Украінскі прэзідэнт таксама адгукнуўся і на віншаванне Святланы Ціханоўскай.
“Еўропа не можа дазволіць сабе страціць ніводную краіну, якая імкнецца да сапраўднай незалежнасці. Таксама важна, што Беларусь не ўцягнутая ў жорсткую вайну Расіі, і ў рэшце рэшт стане дэмакратычнай, адкрытай і мірнай краінай.
Украіна ўдзячная беларусам, якія разам з украінскімі салдатамі абараняюць нашу агульную свабоду”, – напісаў ён, перапосціўшы ўчорашні зварот Ціханоўскай, у якім яна пажадала перамогі ўкраінскаму народу.