У Беларусі 2 студзеня чакаюцца складаныя пагодныя ўмовы. Паводле звестак Белгідрамета, у многіх раёнах краіны прагназуюцца моцны снег, завея, снежныя заносы на праезнай частцы і ўзмацненне ветру з парывамі да 15–18 м/с. Абвешчаны аранжавы ўзровень небяспекі.
ДАІ заклікае ўдзельнікаў дарожнага руху ўлічваць неспрыяльныя пагодныя ўмовы і выконваць меры бяспекі. Кіроўцам рэкамендуецца загадзя зніжаць хуткасць, пазбягаць рэзкіх разгонаў і тармажэнняў, выконваць манеўры плаўна, а таксама ўключаць блізкае святло фар. Па магчымасці варта адмовіцца ад далёкіх паездак і мінімізаваць выкарыстанне асабістага транспарту ў перыяд снегападу.
У Дзяржаўтаінспекцыі нагадалі, што рух на аўтамабілях, не абсталяваных зімовымі шынамі або з перавышэннем дапушчальнага зносу пратэктара, забаронены.
Пешаходам раяць праяўляць асаблівую асцярожнасць пры пераходзе праезнай часткі, выкарыстоўваць святлоадбівальныя элементы і пры адсутнасці тратуараў рухацца насустрач транспартнаму патоку, выконваючы бяспечную дыстанцыю ад дарогі.
