Прэзідэнт Украіны Уладзімір Зяленскі пацвердзіў удар па аб’екце расійскай нафтавай галіны ў Армавіры Краснадарскага края РФ. Ён адзначыў, што мэта знаходзілася за 500 кіламетраў ад украінскай дзяржаўнай мяжы. Аперацыю правялі сілы СБУ.
Зяленскі назваў удар часткай плана «далёкабойных санкцый» — адказных дзеянняў на расійскую агрэсію супраць Украіны.
«Цалкам справядліва вяртаем вайну туды, адкуль яна і прыйшла. Расія магла даўно завяршыць сваю агрэсію, але сама выбрала зацягванне і працяг», — заявіў ён.
«Дзякуй нашым байцам СБУ за гэты вынік. Важна, што крок за крокам выконваем план нашых далёкабойных санкцый — у адказ на ўсё тое, што Расія робіць супраць нашай краіны і людзей. Усе тыпы нашых санкцый — юрыдычныя і цалкам практычныя далёкабойныя — працуюць на набліжэнне міру», — дадаў украінскі лідар.
