У Беларусі скарацілі тэрміны працэдур, звязаных з засяленнем грамадзян у арэнднае жыллё. Гэта прадугледжана пастановай Савета міністраў «Аб распараджэнні дзяржаўным жыллёвым фондам», падпісанай прэм’ер-міністрам Аляксандрам Турчыным у выкананне ўказа Аляксандра Лукашэнкі ад 3 лістапада 2025 года №388.
Дакумент прыводзіць у адпаведнасць шэраг падзаконных актаў і ўстанаўлівае, што засяленне ў арэнднае жыллё павінна ажыццяўляцца не пазней чым на працягу 30 рабочых дзён.
У прыватнасці, скарочаны тэрмін размяшчэння мясцовымі органамі ўлады інфармацыі аб наяўнасці арэнднага жылля — з 7 дзён да 1 дня. Таксама ўстаноўлены гранічны тэрмін звароту грамадзян для заключэння дагавора найму — да 5 рабочых дзён.
Акрамя таго, зменены тэрміны атрымання забудоўшчыкам дакументаў пасля ўводу жылога дома ў эксплуатацыю, а таксама скарочаны тэрмін перадачы дольшчыку канчатковага разліку кошту аб’екта долевага будаўніцтва — з 25 каляндарных дзён да двух рабочых дзён у выпадку фінансавання за кошт бюджэтных сродкаў або сродкаў ад прадастаўлення арэнднага жылля.
Таксама прадугледжаны іншыя карэкціроўкі, паведамілі ў прэс-службе ўрада.