На беразе Нёмана каля вуліцы Паповіча ў Гродне знайшлі цела мужчыны без галавы. Прыкмет гвалтоўнай смерці не выяўлена.
Міліцыя лічыць, што мужчына не меў пэўнага месца жыхарства. Меркавана, ён начаваў у каналізацыйных трубах, а цела было вынесена ў раку моцнымі дажджамі.
«Меркавана, з моманту смерці прайшло больш за месяц, а галава аддзялілася ўжо ў працэсе перамяшчэння цела праз моцнае раскладанне», — паведамляе УУС Гродзенскага аблвыканкама.
Прыкмет гвалтоўнай смерці на целе не выяўлена. Абставіны смерці мужчыны высвятляюцца.
🔥 Падтрымайце Reform.news данатам!