Паміж Мінскам і Рудзенскам зноў пачнуць курсіраваць гарадскія электрычкі Stadler. БЧ вярнула іх на маршрут 19 мая «пасля завяршэння планавых відаў рамонту».
Па маршруце Мінск – Рудзенск будуць курсіраваць 4 пары цягнікоў гарадскіх ліній. З 19 мая яшчэ дзве пары дадатковых цягнікоў дададзена ў паведамленні Мінск – Беларусь.
«Беларуская магістраль працягне прымаць меры па далейшым задзейнічанні наяўнага маторвагоннага рухомага саставу пазначанай серыі для абслугоўвання цягнікамі гарадскіх ліній сацыяльна значных напрамкаў, у тым ліку тых, што звязваюць сталіцу Беларусі з гарадамі-спадарожнікамі», — паведамляе прэс-служба БЧ.
🔥 Падтрымайце Reform.news данатам!
