У тэлеграм-чаце «Беларусы Варшавы» 8 ліпеня з’явіліся паведамленні пра напад з нажом на беларуса на Алеі Салідарнасці, 83/84 у Варшаве. Паводле інфармацыі ўдзельнікаў, мужчына папрасіў дзяўчыну не паліць побач з ім.
«Сітуацыя такая: хлопец папрасіў дзяўчыну не паліць, тая закрычала, пачала крычаць, што ён такі-сякі ўкраінец. Падышоў яе знаёмы, ударыў яго ў твар і кідаўся з нажом. Пакуль усё, што ведаю», — напісала адна з карыстальніц чата.
На месца прыехала паліцыя. Нападнік, мяркуючы па паведамленнях, з месца здарэння ўцёк.
«Яна яму крычала, каб ён уцякаў. Таму чалавеку, які напаў», — расказала відавочца здарэння.
Афіцыйнага пацвярджэння інцыдэнту ад польскай паліцыі на момант публікацыі няма.
🔥 Падтрымайце Reform.news данатам!
