Яшчэ адзін дрон з цыгарэтамі прыляцеў у Літву з Беларусі

У ноч на 17 ліпеня літоўскія памежнікі перахапілі яшчэ адзін дрон кантрабандыстаў, які прыляцеў з Беларусі.

Беспілотнік прызямлілі пры дапамозе сродкаў радыёэлектроннага падаўлення ў Віленскім раёне. Да яго была прымацаваная скрынка з 340 пачкамі цыгарэт Minsk Capital QS. Кошт цыгарэт ацэньваецца ў 1856 еўра, паведамляе літоўская Памежная служба.

Дрон і цыгарэты адпраўленыя на часовае захоўванне на памежную заставу. Распачаты адміністрацыйны працэс.