Фундацыя Mochnarte абвяшчае адкрыты конкурс для двух мастакоў/мастачак, якія будуць запрошаныя да ўдзелу в арт-рэзідэнцыю на Падляшшы (Польшча) в 2026 годзе.
Рэзідэнцыя з’яўляюцца часткай мастацка-даследчага праекта «Лавачка Клінтана», ініцыяванага мастаком і куратарам Уладзімірам Грамовічам.
Праект разгортваецца вакол гісторыі знішчанага помніка, які ў 1994 годзе ў Курапатах усталяваў прэзідэнт ЗША Біл Клінтан у памяць і ўшанаванне ахвяр савецкіх рэпрэсій. На яго месцы сёння знаходзіцца бетонны блок — знак выцесненай памяці і сімвал працяглых палітычных рэпрэсій. Новая інсталяцыя ў Mochnarte даследуе трансфармацыю помніка і яго паўторнае прачытанне як асобнага выказвання, у якім назва і матэрыял утвараюць канцэптуальную напругу — разыходжанне паміж сэнсам і аб’ектам. Гэтая напружанасць адлюстроўвае разрывы ў беларускай гістарычнай памяці, што ўзніклі праз доўгатэрміновыя механізмы кантролю і размыванне значэнняў.
У мастакоў будзе магчымасць стварыць уласны праект у дыялогу з тэмай, а таксама – куратарская падтрымка і ўдзел у публічнай прэзентацыі ў маі 2026 года.
Шукаюць мастакоў / мастачак, якія працуюць з памяццю, архівамі, палітычнай і сацыяльнай тэматыкай, інсталяцыяй, відэа, перформансам, гукам, тэкстам і іншае.
Уся інфармацыя тут.
Фонд Mochnarte, заснаваны ў 2022 годзе, з’яўляецца цалкам прыватнай ініцыятывай, якая стварае прастору для сучасных мастакоў з Беларусі, Украіны, Польшчы і іншых краін.
Нагадаем, што «Лавачка Клінтана» — гэта гранітная пліта з памятным надпісам «Ад народу ЗША народу Беларусі дзеля памяці», якая была ўстаноўленая ў студзені 1994 года падчас візіту ў Беларусь прэзідэнта Злучаных Штатаў Амерыкі Біла Клінтана на месцы масавых расстрэлаў ахвяр сталінскіх рэпрэсій. За два з паловай дзесяцігоддзі «Лаву Клінтана» больш за 13 разоў апаганьвалі і спрабавалі знішчыць. У лютым 2019 года пліта была цалкам раскрышаная невядомымі вандаламі, цэлым застаўся толькі пастамент.
Падпісвайцеся на культурныя навіны Reform.news у Telegram
