Трагічны выпадак адбыўся ў мінулую нядзелю ў Брэсце. З ракі Мухавец мясцовыя жыхары дасталі жанчыну 1940 года нараджэння. Яна патанула, паведамляе мясцовы АСВОД.
Паводле інфармацыі відавочцаў, пажылая жанчына падышла да краю прычала, каб пакарміць вадаплаўных птушак, і выпусціла ў ваду пакет з кормам. Нахіліўшыся, яна страціла раўнавагу і ўпала ў ваду.
У тым месцы глыбіня складала каля 1 метра, але жанчына не змагла самастойна выбрацца з вады. Яе дастаў відавочца.
Брыгадай хуткай дапамогі, якая прыбыла, праводзіліся рэанімацыйныя мерапрыемствы, аднак жанчыну выратаваць не ўдалося.
🔥 Падтрымайце Reform.news данатам!