Савет міністраў Беларусі прыняў рашэнне стварыць адзіны рэестр, у якім будуць сабраныя ўсе лічбавыя паказчыкі, устаноўленыя ў краіне нарматыўнымі прававымі актамі. Пастанова ўрада №381 ад 28 ліпеня сёння апублікаваная на Нацыянальным прававым інтэрнэт-партале і ўступае ў сілу з 1 жніўня.
У рэестр будуць сабраныя нарматыўныя прававыя акты дзяржорганаў рознага ўзроўню, якія змяшчаюць “выключна лічбавыя паказчыкі”.
Весці базу даных будзе Нацыянальны цэнтр заканадаўства і прававой інфармацыі.
Рэестр будзе размяшчацца на Нацыянальным прававым інтэрнэт-партале.
Урад таксама зацвердзіў пералік паказчыкаў, якія будуць уключацца ў рэестр. У яго ўключаныя:
- паказчыкі ў галіне цэнаўтварэння, уключаючы фіксаваныя, гранічныя цэны (тарыфы), гранічныя надбаўкі (скідкі, нацэнкі), гранічны нарматыў рэнтабельнасці, каэфіцыенты да індэксуемых цэн,
- іншыя паказчыкі ў сферы цэнаўтварэння,
- нормы забеспячэння і аснашчэння абсталяваннем, інструментамі, інвентаром розных устаноў і арганізацый, сутачныя нормы харчавання, нормы часу, нормы расходу матэрыялаў,
- індэксы, уключаючы прагнозныя індэксы цэн у будаўніцтве, прагнозныя індэксы кошту будаўніча-мантажных работ, абсталявання і іншых затрат, індэксы кошту будаўніцтва жылля і г.д.
- каэфіцыенты, у тым ліку каэфіцыенты даходнасці аперацый з токенамі,
- нарматыўныя тэрміны службы асноўных сродкаў,
- мінімальны ўзрост для заняткаў відамі спорту,
- гранічныя нормы ўздыму і перамяшчэння цяжараў уручную,
- гранічныя сумы расходаў у месяц на аднаго грамадзяніна пры аказанні і ўдзеле ў аказанні медыцынскай дапамогі па відах і ўмовах яе аказання,
- гранічныя і (або) фіксаваныя значэнні ставак платы за выкананне мерапрыемстваў па тэхналагічным далучэнні электраўстановак да электрычных сетак,
- колькасць увозімых (увезеных) седлавых цягачоў, у дачыненні да якіх прымяняюцца паніжаныя стаўкі ўтылізацыйнага збору,
- паказчыкі штомесячнага дапушчальнага росту цэн,
- асераднёны паказчык кампенсацыі мясцоваму бюджэту кошту жылых памяшканняў і інш.
🔥
Падтрымайце Reform.news данатам!