Прэс-служба Аляксандра Лукашэнкі апублікавала паведамленне пра ўчарашнюю размову з прэзідэнтам РФ Уладзімірам Пуціным.
“Сапраўды, напярэдадні ўвечары адбылася тэлефонная размова кіраўнікоў дзяржаў. Прэзідэнты дадаткова абмеркавалі пытанні, якія плануецца разгледзець на маючым адбыцца пасяджэнні Вышэйшага дзяржсавета.
Яно, як вядома, пройдзе ўжо на наступным тыдні ў Маскве. Аляксандр Лукашэнка і Уладзімір Пуцін зверылі гадзіннікі па парадку дня маючага адбыцца мерапрыемства і найбольш актуальных тэмах, якія трэба будзе абмеркаваць як у шырокім коле, так і сам-насам. У размове таксама былі закрануты некаторыя пытанні беларуска-расійскіх адносін”, — гаворыцца ў паведамленні.
Учора пра размову інфармавалі толькі ў Крамлі. Паведамлялася, што абмяркоўваліся пытанні падрыхтоўкі пасяджэння Вышэйшага дзяржаўнага савета Саюзнай дзяржавы, якое адбудзецца на наступным тыдні ў Маскве.
