Сумесны камітэт і бязвіз для дыпламатаў. Беларусь і Гана падпісалі пакет дакументаў

Беларусь і Гана падпісалі пакет двухбаковых дакументаў па выніках візіту ў Мінск прэзідэнта афрыканскай краіны. Яны закранаюць пытанні супрацоўніцтва.

Сёння былі падпісаныя:

• пагадненне аб стварэнні Сумеснага камітэта па гандлёва-эканамічным супрацоўніцтве;
• пагадненне аб бязвізавых паездках па дыпламатычных і службовых пашпартах;
• мемарандум аб узаемаразуменні ў сферы сельскай гаспадаркі;
• пагадненне аб супрацоўніцтве паміж Беларусскай і Ганскай гандлёва-прамысловымі палатамі.

Выступаючы з заключным словам, Аляксандр Лукашэнка адзначыў, што бакі адкрываюць новую главу ў супрацоўніцтве.

“Сёння мы адкрываем новую главу нашага супрацоўніцтва. Цяпер ужо ў двухбаковым фармаце. Перамовы, якія адбыліся, пацвердзілі наяўнасць добрага зачыну на перспектыву ў гандлёва-эканамічнай сферы, па тэме ўмацавання харчовай бяспекі, у гуманітарных пытаннях, такіх як адукацыя і медыцына. Мы з прэзідэнтам настроены дынамічна развіваць узаемадзеянне па ўсіх гэтых напрамках, ставячы на чале эканоміку”, — сказаў ён.

Паводле слоў Лукашэнкі, бакі таксама дамаўляюцца аб адкрыцці пасольстваў.

“Прэзідэнт на перамовах узняў пытанне аб адкрыцці пасольстваў дзвюх краін. Мы падтрымліваем такую ініцыятыву, але вельмі хацелі б, каб наш сумесны міжурадавы камітэт пачаў сваю працу. Каб у развіццё гэтай працы адпаведная работа была і ў пасольстваў”, — сказаў ён.