Сёння ў Варшаве стануць вядомыя пераможцы Беларускай прэміі кінакрытыкаў «Чырвоны верас»

Фота: сацсеткі кінатэатра.

Сёння, 26 лютага, а 19.00 у варшаўскім кінатэатры Kino Luna адбудзецца цырымонія ўзнагароджання Беларускай прэміі кінакрытыкаў «Чырвоны верас».

Сярод прэтэндэнтаў у трэцяй эдыцыі можна заўважыць імёны вядомых беларускіх рэжысёраў — Андрэя Куцілы, Мары Тамковіч, Андрэя Кашперскага, Мікіты Лаўрэцкага, Юрыя Сямашкі, Аляксандра Міхалковіча, Ганны Бадзякі, Аляксандра Матафонава, Арцёма Лобача, Аляксандра Гарадко, а таксама і новых аўтараў. Хто ж з іх стане пераможцам?

Нагадаем, што ўзнагарода ладзіцца ўжо ў трэці раз, а яе заснавальнікамі з’яўляюцца чатыры беларускія кінакрытыкі, сярод якіх Ірэна Кацяловіч і Тарас Тарналіцкі. Ва ўмовах выціскання незалежнай культуры з Беларусі адмыслоўцы ў 2021 годзе пастанавілі стварыць пляцоўку, якая б сталася гідам па беларускім кіно і падтрымала высілкі беларускіх фільммэйкераў. Першы раз прэмія адбылася ў Беларусі, цырымонія другой прайшла ў Берліне, а сёння «Чырвоны верас» пераехаў у Варшаву.

Прэмія прысуджаецца ў 15 намінацыях, сярод якіх, у прыватнасці: «Найлепшы(ая) рэжысёр(ка)», «Найлепшы актор», «Найлепшая акторка», «Найлепшая праца аператара(кі)», «Найлепшы сцэнар», «Найлепшае мастацкае рашэнне (праца мастака(чкі)-пастаноўшчыка(цы)», «Найлепшы саўнддызайн (праца кампазітара(кі) і/ці гукарэжысёра(кі)», «Найлепшы мантаж» і «Адкрыццё года».

Сёлета дадаліся катэгорыі «Найлепшы мантаж» і «Найлепшы дакументальны рэпартаж».

Пераможцаў гэтым разам вызначыла журы з 20 кінакрытыкаў, кінажурналістаў і кінадаследнікаў (у мінулыя разы іх было 16). Сярод экспертаў, у прыватнасці: Максім Жбанкоў, Альміра Усманава, Ганна Яфрэменка, Ігар Сукманаў, Саша Разор, Вольга Ісакава, Ульяна Буднік, Наталля Вавілонская, Ульяна Рубанава і іншыя адмыслоўцы.

Так выглядае трэйлер гэтага сезону. У відэа ўвайшлі кадры з фільмаў беларускіх аўтараў, прэм’еры якіх адбыліся ў 2023-2024 гадах – менавіта гэты перыяд разглядала журы сёлетняй кінапрэміі.

А так выглядае спіс намінантаў цалкам.

НАМІНАЦЫЯ «НАЙЛЕПШЫ ІГРАВЫ ПОЎНАМЕТРАЖНЫ ФІЛЬМ»

«Пад шэрым небам» Мары Тамковіч
«Працэсы» Андрэя Кашперскага
«Чароўныя нажнічкі» Anny Avoty

НАМІНАЦЫЯ «НАЙЛЕПШЫ ІГРАВЫ КАРОТКАМЕТРАЖНЫ ФІЛЬМ»

«Say Cheese» Кіры Альшэўскага
«Цукар» Андрэя Кашперскага
Ананімны ўдзельнік

НАМІНАЦЫЯ «НАЙЛЕПШЫ ДАКУМЕНТАЛЬНЫ ПОЎНАМЕТРАЖНЫ ФІЛЬМ»

«Радзіма» Ганны Бадзякі і Аляксандра Міхалковіча
«Так шмат і так мала» Аляксандра Матафонава
«Уліс» Мікіты Лаўрэцкага

НАМІНАЦЫЯ «НАЙЛЕПШЫ ДАКУМЕНТАЛЬНЫ КАРОТКАМЕТРАЖНЫ ФІЛЬМ»

«Святая вада» Андрэя Куцілы
Ананімны ўдзельнік
Ананімны ўдзельнік

НАМІНАЦЫЯ «НАЙЛЕПШЫ АНІМАЦЫЙНЫ ФІЛЬМ»

«Калыханка» Івана Гапіенкі
«Кроў і караоке» Юрыя Сямашкі
«Прама і па крузе» Каліны Феліксавай

НАМІНАЦЫЯ «НАЙЛЕПШЫ ДАКУМЕНТАЛЬНЫ РЭПАРТАЖ»

«Без рэтушы: Насця Рыдлеўская» Аляксандра Гарадка і Канаплёва+Лейдзік
«Без рэтушы: Сяргей Пукст» Аляксандра Гарадка і Канаплёва+Лейдзік
«Берлін: ад Макса да Алекса. ШокінгГайд» Арцёма Лобача

НАМІНАЦЫЯ «НАЙЛЕПШЫ(АЯ) РЭЖЫСЁР(КА)»

Ганна Бадзяка і Аляксандр Міхалковіч за фільм «Радзіма»
Андрэй Кашперскі за фільм «Працэсы»
Мара Тамковіч за фільм «Пад шэрым небам»

НАМІНАЦЫЯ «НАЙЛЕПШЫ АКТОР»

Алег Гарбуз за ролі ў фільмах «Працэсы» і «Лес»
Валянцін Навапольскі за ролю ў фільме «Пад шэрым небам»
Дзяніс Тарасенка за ролю ў фільме «Пад шэрым небам»

НАМІНАЦЫЯ «НАЙЛЕПШАЯ АКТОРКА»

Аляксандра Вайцяховіч за ролю ў фільме «Пад шэрым небам»
Алена Зуй-Вайцяхоўская за ролю ў фільме «ЧынЧыны праляцелі кукухай»
Яна Траянава за ролю ў фільме «Працэсы»

НАМІНАЦЫЯ «НАЙЛЕПШАЯ ПРАЦА АПЕРАТАРА(КІ)»

Данііл Гаёў за фільм «Працэсы»
Сяргей Канаплянік за фільм «Радзіма»
Вячаслаў Цвяткоў за фільм «Святая вада»

НАМІНАЦЫЯ «НАЙЛЕПШЫ СЦЭНАР»

Ганна Бадзяка і Аляксандр Міхалковіч за фільм «Радзіма»
Андрэй Кашперскі і Міхаіл Зуй за фільм «Працэсы»
Мара Тамковіч за фільм «Пад шэрым небам»

НАМІНАЦЫЯ «НАЙЛЕПШАЕ МАСТАЦКАЕ РАШЭННЕ (ПРАЦА МАСТАКА(ЧКІ)- ПАСТАНОЎШЧЫКА(ЦЫ)»

Аляксандр Адамаў за фільм «Працэсы»
Людміла Гудзіліна за фільм «Чароўныя нажнічкі» (пасмяротна)
Кацярына Дубовік за фільм «Калыханка»

НАМІНАЦЫЯ «НАЙЛЕПШЫ МАНТАЖ»

Iлля Бажко за фільм «Працэсы»
Каця Вішня, а таксама Якуб Басткоўскі, Ежы Панятоўскі, Ганна Бадзяка за фільм «Радзіма»
Мікіта Лаўрэцкі за фільм «Уліс»

НАМІНАЦЫЯ «НАЙЛЕПШЫ САЎНДДЫЗАЙН (ПРАЦА КАМПАЗІТАРА(КІ) І/ЦІ ГУКАРЭЖЫСЁРА(КІ)»

Праект «Крос-культурны музычны дыялог» за фільм «Чароўныя нажнічкі» Томас Энджэл Эндрэсэн
Інґвэ Сэтрэ за фільм «Радзіма»
Ананімны ўдзельнік

НАМІНАЦЫЯ «АДКРЫЦЦЁ ГОДА»