Румен Радев. Фото: x.com/PresidentOfBg
Балгарыя не будзе ўдзельнічаць у «кааліцыі ахвотных» і аказваць Украіне фінансавую і ваенную дапамогу, заявіў прэм’ер-міністр краіны Румен Радзеў.
«Мы не ўдзельнічаем у кааліцыі, якая настойвае на працягу фінансавай і ваеннай дапамогі Украіне. Мы не аказваем такую дапамогу, таму што я лічу, што рашэнне гэтага канфлікту заключаецца не ў яго зацягванні ваеннымі сродкамі, а ў магутнай дыпламатычнай місіі, якая пакладзе канец эскалацыі», — цытуе Радзева БТА.
Радзеў таксама пракаментаваў стварэнне антыбалістычнай кааліцыі. Паводле яго слоў, рашэнні, якія датычацца калектыўнай бяспекі Еўропы, прымаюцца ў іншым фармаце.
«Да гэтага моманту мы бачылі мноства прапаноў і ідэй, аднак рашэнні прымаюцца ў іншым фармаце. Балгарыя актыўна ўдзельнічае ва ўсіх гэтых фарматах, менавіта там, дзе прымаюцца рашэнні», — заявіў прэм’ер-міністр Балгарыі.