Фото: duma.gov.ru
У Дзяржаўную думу Расіі ўнесена на ратыфікацыю пагадненне паміж Беларуссю і Расіяй аб мерах па ўзаемнай абароне грамадзян ад неабгрунтаванага пераследу замежнымі дзяржавамі і міжнароднымі органамі юстыцыі. Дакумент размешчаны ў электроннай базе Думы.
Пагадненне было падпісана ў сакавіку 2025 года. У адпаведнасці з ім бакі прызнаюць персанальны імунітэт за вышэйшымі і іншымі службовымі асобамі, а таксама гарантуюць для шэрагу асоб захаванне функцыянальнага імунітэту ў сувязі з запытамі трэціх бакоў.
Са свайго боку Беларусь завяршыла працэдуру ратыфікацыі пагаднення.