Фото: Генпрокуратура
Генпракуратура накіравала ў Мінскі гарадскі суд крымінальную справу ў дачыненні да намесніка дырэктара кадастравага агенцтва. Яго абвінавачваюць у атрыманні хабару ў буйным памеры, а таксама злоўжыванні службовымі паўнамоцтвамі (ч. 2 арт. 430 і ч. 2 арт. 424 КК).
Паводле версіі абвінавачання, з канца 2023 года намеснік дырэктара наладзіў незаконнае супрацоўніцтва з прадстаўніком рыэлтарскіх арганізацый. Ён перадаваў яму фотаздымкі праваўстанаўліваючых дакументаў на аб’екты нерухомасці. За адзін дакумент прадугледжвалася ўзнагароджанне ў памеры 10 долараў. Бакі выкарыстоўвалі розныя месенджары з мэтай канспірацыі, а грошы перадаваліся толькі пры назапашванні значных сум.
Усяго, паводле даных следства, са снежня 2023 года па красавік 2025 года ён перадаў дакументы ў дачыненні да не менш як 582 аб’ектаў нерухомасці. За гэта яму было перададзена не менш за 16,4 тыс. рублёў.