Еўразійскі банк развіцця чакае далейшага росту ВУП Беларусі ў другім квартале. Нагадаем, у студзені-красавіку беларуская эканоміка вярнулася да росту. ВУП павялічыўся на 0,2%. Да гэтага па выніках першага квартала адзначалася яго зніжэнне.
“Павышэнне спажывецкай актыўнасці, аднаўленне інвестыцый і паляпшэнне дынамікі ў будаўніцтве фарміруюць умовы для паскарэння росту ВУП у II квартале 2026 года”, – гаворыцца ў штотыднёвым аглядзе эканомік краін – удзельніц банка.
На думку экспертаў ЕАБР, стрымлівальным фактарам застаецца прамысловасць, выпуск у якой скарачаецца.
“Асноўную падтрымку аказаў спажывецкі попыт: рознічны тавараабарот вырас на 6,2% г/г. Сітуацыя ў інвестыцыях паступова паляпшаецца. Зніжэнне аб’ёму будаўнічых работ запаволілася да 2,8% г/г у студзені–красавіку пасля 4,2% г/г у студзені–сакавіку.
Інвестыцыі ў асноўны капітал скараціліся на 0,6% г/г пасля зніжэння на 3,0% г/г, чаму спрыяла павелічэнне ўкладанняў у абсталяванне на 6,7% г/г”, – дадалі ў ЕАБР.