Дзве нафтабазы ў Расіі трапілі пад удар беспілотнікаў

Сёння ўначы ў Расіі пад удар беспілотнікаў трапілі дзве нафтабазы.

У Цвяры адбылося ўзгаранне аднаго з рэзервуараў прадпрыемства «Цвярская нафтабаза». Паводле інфармацыі мясцовых уладаў, пацярпелых няма. Вядзецца ліквідацыя пажару.

У Стаўрапольскім краі пад ударам аказаўся «Лукойл-Югнафтапрадукт» у Міхайлаўскім. Тут таксама ўспыхнуў пажар.

Мінабароны РФ паведаміла аб перахопе сёння ўначы 73 беспілотнікаў.