ДАІ з 19 лютага пачынае чарговае прафілактычнае мерапрыемства ў дачыненні да маршрутак. Яно пройдзе па ўсёй краіне. Заяўленая мэта – павышэнне бяспекі перавозак.
Інспектары ДАІ нададуць павышаную ўвагу эксплуатацыі няспраўнага транспарту, выкарыстанню зімовых шын, выяўленню парушэнняў правілаў манеўравання і абгону, перавышэнню ўстаноўленай хуткасці і праезду на забараняльны сігнал святлафора.
“Таксама на асаблівым кантролі ДАІ – спыненне правапарушэнняў пры перавозцы пасажыраў, не прышпіленых рамянямі бяспекі, у тым ліку з перавышэннем колькасці пасадачных месцаў”, – паведамілі ў МУС.
Падчас мерапрыемстваў будзе задзейнічана сістэма маніторынгу грамадскай бяспекі.
🔥 Падтрымайце Reform.news данатам!
