У ДАІ звярнуліся больш за 7 тыс. беларусаў, каб праверыць свае сродкі персанальнай мабільнасці. У выніку на ўлік пастаўлена 3,5 тыс. электрамапедаў і матацыклаў. Пра гэта ў эфіры СТБ паведаміў начальнік галоўнага ўпраўлення ДАІ МУС Беларусі Віктар Ротчанкаў.
“Мы з вамі год таму абмяркоўвалі, што, напэўна, неяк нязначна да нас звернуцца, але звярнулася вельмі шмат – больш за 7000 грамадзян са сваімі транспартнымі сродкамі, каб вызначыць, што гэта: мапед, матацыкл або сродак персанальнай мабільнасці. Ужо сёння 3500 такіх транспартных сродкаў зарэгістравана ў Дзяржаўтаінспекцыі. Многія бачылі, зялёненькія нумары на іх устаноўлены. Яшчэ мы чакаем каля 1500 – гэта рэгістрацыя ў спрошчаным парадку”, – сказаў ён.
Нагадаем, у адпаведнасці з заканадаўствам да сродкаў персанальнай мабільнасці адносяцца самакаты, монаколы і іншыя транспартныя сродкі, калі іх хуткасць не перавышае 25 км/г, у адваротным выпадку гэта ўжо трактуецца як механічны транспартны сродак, які падлягае рэгістрацыі, а для кіравання ім патрабуюцца правы адпаведнай катэгорыі.
“Пакуль заўчасна казаць пра тое, што ўсе дакладна вызначыліся. Гэты год прайшоў, былі дадзены ўсе тлумачэнні, і грамадзян, хто звярнуўся, мы зарэгістравалі. А той, хто пажадаў альбо атрымаў звесткі пра тое, што гэта сродак персанальнай мабільнасці, кіруюць імі як веласіпедамі”, – растлумачыў Ротчанкаў.
