Партыю вадкасцей для вэйпаў на мільён рублёў перавозілі з Расіі ў Беларусь па несапраўдных дакументах

Рэдакцыя Reform.news · 23 кастрычніка 2026, 12:06

https://reform.news/be/partyju-vadkascej-dlja-vjejpa-na-miljon-rubljo-peravozili-z-rasii-belarus-pa-nesapra-dnyh-dakumentah/

Віцебскія мытнікі выявілі больш за 29 тысяч адзінак вадкасцей для электронных цыгарэт, якія перавозілі з Расіі па несапраўдных дакументах. Як паведамілі ў Дзяржаўным мытным камітэце Беларусі, кошт партыі перавысіў 1 млн рублёў.

Груз знаходзіўся ў аўтамабілі Iveco, які мытнікі спынілі падчас спецыяльных мерапрыемстваў на трасе М-1 у Дубровенскім раёне. Падчас праверкі высветлілася, што расійская кампанія, пазначаная ў накладных у якасці прадаўца, не адпраўляла вадкасці беларускаму атрымальніку і не афармляла суправаджальныя дакументы.

Віцебская мытня пачала адміністрацыйны працэс па артыкуле 13.12 КаАП. Ён прадугледжвае штраф у памеры да 50% кошту прадмета правапарушэння.