Святлана Ціханоўская ў АБСЕ заклікала даць Украіне ўсё неабходнае для перамогі. Сапраўдны мір у Еўропе патрабуе аслаблення Пуціна і Лукашэнкі.
Сёння Ціханоўская выступіла на сумесным пленарным пасяджэнні трох асноўных камітэтаў ПА АБСЕ. Яна заклікала падтрымаць Украіну і не зніжаць увагу да Беларусі, захоўваючы ціск на Лукашэнку.
Сёння Украіна змагаецца за ўсіх нас — за Беларусь, Украіну, Малдову, усю Еўропу. Украіна змагаецца за мір, дэмакратыю і правы чалавека — тыя каштоўнасці, якімі так даражыць АБСЕ.
“Важна даць Украіне ўсё неабходнае для перамогі і спынення расійскай агрэсіі. Калі мы хочам сапраўднага міру ў Еўропе, мы павінны аслабіць Пуціна і яго саюзніка Лукашэнку.
Вынік гэтай вайны паўплывае і на будучыню Беларусі. Гэта можа адкрыць для нас акно магчымасцяў. І ёсць два сцэнары: Беларусь альбо застанецца ў расійскай арбіце, з ядзернай зброяй, войскамі, “Арэшнікамі” — а гэта азначае пастаянную пагрозу для нашых суседзяў. Або яна, нарэшце, вызваліцца. Аднавіць сваю незалежнасць, свабоду і вяршэнства права — і выканае свае абавязацельствы перад АБСЕ.
Мы не павінны дазволіць, каб Беларусь стала суцяшальным прызам для Пуціна. Беларусь — гэта не Расія. Мы на баку Украіны. Мы — ганарлівая еўрапейская нацыя са сваёй культурай і ідэнтычнасцю», — заявіла Ціханоўская.