Фото: paralympic.cz
Чэхія не будзе прымаць удзел у цырымоніі адкрыцця Паралімпійскіх гульняў «ні ў якой форме» з-за ўдзелу ў спаборніцтвах беларускіх і расійскіх спартсменаў.
«Наша пазіцыя з самага пачатку застаецца цвёрдай і нязменнай: мы не згодныя з удзелам расіян і беларусаў у Гульнях. Мы заўсёды выступалі супраць іх вяртання ў любой форме, і прадстаўнікі Чэшскага паралімпійскага камітэта ў адпаведнасці з гэтым галасавалі на Генеральнай асамблеі Міжнароднага паралімпійскага камітэта. Пакуль працягваецца агрэсія супраць Украіны, расійскім і беларускім спартсменам не месца на міжнародных спаборніцтвах», — заяўляе Чэшскі паралімпійскі камітэт.
Байкот датычыцца толькі цырымоніі адкрыцця. Чэшскія паралімпійцы будуць прымаць удзел у гульнях.
Пра байкот цырымоніі адкрыцця раней абвясціла Украіна.
Нагадаем, Міжнародны паралімпійскі камітэт дазволіў спартсменам з Беларусі і Расіі ўдзельнічаць у паралімпіядзе пад сцягамі сваіх краін.