Савет ЕЭК прыняў рашэнне прадаставіць тарыфныя льготы на некаторыя віды гародніны. Краіны ЕАЭС, уключаючы Беларусь, змогуць увезці гародніну бяспошлінна ў міжсезонны перыяд.
Тарыфныя льготы прадастаўлены на ўвоз:
- бульбы ў аб’ёме не больш за 100 тыс. тон у Казахстан і не больш за 50 тыс. – у Кыргызстан;
- цыбулі рэпчатай у аб’ёме не больш за 5 тыс. тон у Арменію і 100 тыс. тон – у Казахстан;
- каляровай капусты і брокалі ў аб’ёме не больш за 600 тон у Беларусь і 500 тон – у Кыргызстан;
- белакачаннай капусты ў аб’ёме не больш за 35 тыс. тон у Казахстан;
- морквы ў аб’ёме не больш за 30 тыс. тон у Казахстан;
- агуркоў у аб’ёме не больш за 400 тон у Кыргызстан;
- баклажанаў ў аб’ёме не больш за 200 тон у Беларусь, не больш за 200 тон – у Кыргызстан і не больш за 6,6 тыс. тон – у Расію;
- салодкага струковага перцу ў аб’ёме не больш за 5,2 тыс. тон у Беларусь, не больш за 2 тыс. тон – у Кыргызстан і не больш за 27 тыс. тон – у Расію.
Тэрмін дзеяння льготы – па 30 чэрвеня 2026 года.
🔥
Падтрымайце Reform.news данатам!