БЧ і «Чайна Мерчантс» распрацуюць новыя лагістычныя прадукты. Пра гэта паведамілі ў прэс-цэнтры БЧ па выніках сустрэчы кіраўніцтва чыгункі з кіраўніцтвам ЗАТ «Чайна Мерчантс СіЭйчЭн-БіЭлАр Камерцыйная і Лагістычная кампанія».
Бакі абмеркавалі пытанні арганізацыі і нарошчвання перавозак грузаў кантэйнернымі цягнікамі з Беларусі ў Кітай, а таксама паставак кітайскай прадукцыі ў Беларусь з задзейнічаннем лагістычных магчымасцяў кітайскай групы кампаній. Былі вызначаны далейшыя напрамкі супрацоўніцтва з кітайскімі лагістычнымі платформамі, якія ўваходзяць у структуру групы кампаній «Чайна Мерчантс» і іх лагістычнага правайдара кампаніі Sinotrans.
“Таксама бакі дамовіліся пра сумесную працу па распрацоўцы новых транспартна-лагістычных прадуктаў, запатрабаваных у беларускіх і кітайскіх грузаадпраўшчыкаў, па фарміраванні скразной лагістыкі для кантэйнерных цягнікоў у паведамленні Кітай – Еўропа – Кітай, у тым ліку па ўзаемазвязцы тэхналагічных працэсаў тэрмінальнай апрацоўкі кантэйнерных цягнікоў на чыгуначных станцыях Дастык і Брэст, а таксама па ўдасканаленні ўзаемадзеяння з мытнымі органамі Рэспублікі Беларусь і Кітайскай Народнай Рэспублікі”, — расказалі ў прэс-цэнтры.
Асобным пунктам парадку дня стала супрацоўніцтва ў будаўніцтве на тэрыторыі «Вялікага каменя» кантэйнернага чыгуначнага тэрмінала ЗАТ «Еўразійскі чыгуначны гейтвэй».