Зяленскі анансаваў трохбаковую сустрэчу Украіны, ЗША і Расіі

Рэдакцыя Reform.news · 22 студзеня 2026, 17:49

https://reform.news/be/zjalenski-anansava-trohbakovuju-sustrjechu-ukrainy-zsha-i-rasii/

Першая трохбаковая сустрэча Украіны, Расіі і ЗША адбудзецца заўтра або паслязаўтра, заявіў Уладзімір Зяленскі пасля перамоў з Дональдам Трампам у Давосе 22 студзеня.

«Я думаю, гэта будзе першая трохбаковая сустрэча ў Эміратах. Я думаю, яна будзе заўтра або паслязаўтра. …Спадзяюся, Эміраты пра гэта ведаюць. Часам мы атрымліваем такія сюрпрызы з амерыканскага боку. Але ў любым выпадку яны туды паедуць. …Думаю, гэта добра, што на тэхнічным узроўні пачынаецца гэтая трохбаковая сустрэча», — заявіў Зяленскі.

Ён дадаў, што Расія павінна быць гатовая да кампрамісаў.

«Усе павінны быць гатовыя [да кампрамісаў], не толькі Украіна. Мы паглядзім, якія будуць вынікі», — сказаў Зяленскі.