Фото: @trbrtc / Х
Супрацоўнік New York Times Крысціян Трыберт выклаў у Х спадарожнікавы здымак, на якім, паводле яго слоў, зафіксавана рэзідэнцыя іранскага аяталы Алі Хаменеі пасля сённяшняй атакі, распачатай ЗША і Ізраілем.
“Мы атрымалі першае вядомае спадарожнікавае выяўленне рэзідэнцыі аяталы Алі Хаменеі ў Тэгеране. На здымку бачна некалькі разбураных будынкаў. Хоць цяперашняе месцазнаходжанне вярхоўнага лідара Ірана невядомае, комплекс звычайна выкарыстоўваецца ім у якасці афіцыйнай рэзідэнцыі”, — пракаментаваў ён.
Раней паведамлялася, што мэтамі ранішніх удараў былі іранскія лідараў. Акрамя Хаменеі, была спроба ліквідаваць прэзідэнта Масуда Пезешкіяна, начальніка генштаба, сакратара Савета бяспекі і інш.
Паводле інфармацыі СМІ, Пезешкіян не пацярпеў. Іранскае агенцтва IRNA таксама сцвярджае, што на пасадзе застаецца галоўнакамандуючы арміяй Амір Хатамі. Разам з тым ізраільскія СМІ пішуць, што афіцыйныя асобы Ізраіля лічаць, што мог быць забіты камандуючы Корпуса вартавых ісламскай рэвалюцыі Махамед Пакпур. Таксама ў Ізраілі мяркуюць, што ліквідаваны міністр абароны і кіраўнік разведкі. Пры гэтым Армія абароны Ізраіля пакуль не давала свайго пацверджання.