МЗС Беларусі заклікаў грамадзян устрымацца ад паездак на Блізкі Усход

МЗС Беларусі выступіў з заявай у сувязі з абвастрэннем сітуацыі на Блізкім Усходзе і заклікаў беларускіх грамадзян устрымацца ад паездак у краіны рэгіёна.

У знешнепалітычным ведамстве заклікалі бакі, уцягнутыя ў абмен ударамі, адмовіцца ад далейшай канфрантацыі і вярнуцца да ўрэгулявання “рознагалоссяў палітыка-дыпламатычнымі” метадамі.

“З занепакоенасцю сочым за абвастрэннем сітуацыі паміж Ізраілем і Іранам, якое закранула таксама дружалюбныя краіны Заліва. Заклікаем уцягнутыя ў абмен ударамі краіны адмовіцца ад небяспечнай канфрантацыі і вярнуцца да вырашэння ўсіх рознагалоссяў палітыка-дыпламатычным шляхам”, — гаворыцца ў тэксце, апублікаваным у 14:48 па Мінску.

Беларусам, якія знаходзяцца ў рэгіёне, рэкамендавалі выконваць патрабаванні мясцовых уладаў, пазбягаць месцаў масавага знаходжання людзей і не здымаць удары і іх наступствы. Тым, хто планаваў паездкі ў краіны рэгіёна, раяць удакладняць інфармацыю пра змены маршрутаў у авіяперавозчыкаў і тураператараў у сувязі з закрыццём паветранай прасторы.

У ведамстве заявілі, што консульскія службы беларускіх пасольстваў у Ізраілі, Іране, Катары і ААЭ аказваюць дапамогу грамадзянам.

Тэлефоны экстранай сувязі:

• пасольства ў Іране: +98 21 2275 22 29, +98 912 215 29 35;
• пасольства ў Ізраілі: +972 3 523 12 59, +972 50 521 48 19;
• пасольства ў Катары: +974 50 21 53 58;
• генеральнае консульства ў Дубаі: +971 54 212 03 60;
• гарачая лінія МЗС па консульскіх пытаннях: +375 17 379 27.