Фото: ФТС РФ
У Ленінградскай вобласці Расіі затрымалі партыю гашышу, якая прыбыла з Беларусі. У аперацыі ўдзельнічалі Галоўнае ўпраўленне па барацьбе з кантрабандай ФТС Расіі сумесна з ФСБ РФ і ДМК Беларусі ва ўзаемадзеянні з Цэнтральнай аператыўнай мытняй ФТС РФ.
«Падчас аператыўна-вышуковых мерапрыемстваў мытнікі ўстанавілі, што ў адно з нежылых памяшканняў у Ленінградскай вобласці прыбыў грузавы аўтамабіль, які перавозіў банкі з фарбай. У шасці з іх мытнікі выявілі 150 плітак цёмна-карычневага колеру», – паведамляе ФТС РФ.
Экспертыза пацвердзіла, што знойдзенае рэчыва з’яўляецца гашышам. Кошт партыі вагой 14,5 кг ацэньваецца ў 43,5 млн расійскіх рублёў.
Устаноўлены ўдзельнік злачыннай групы — 40-гадовы расіянін. Ён павінен быў кантраляваць дастаўку тавару.
У Расіі ўзбуджана крымінальная справа па артыкуле аб кантрабандзе наркатычных рэчываў арганізаванай групай у асабліва буйным памеры.