У красавіку 2025 года ў адной з сельгаспрадпрыемстваў Любанскага раёна ад удару токам загінула 21 карова. Крымінальную справу распачалі супраць галоўнага энергетыка прадпрыемства, паведамляе пракуратура Мінскай вобласці.
Як устанавіла следства, 61-гадовы абвінавачаны неналежным чынам выканаў свае службовыя абавязкі: не арганізаваў тэхнічна правільную эксплуатацыю энергетычнага абсталявання, не забяспечыў рамонт, не ўкараніў тэхнічныя сродкі для бяспечнай працы.
У адным з хлявоў малочна-таварнай фермы не было САА і зазямлення. У выніку ў красавіку 2025 года з-за ўдару токам загінулі жывёлы. Шкода прадпрыемству ацэненая ў больш як 55 тысяч рублёў.
У дачыненні да галоўнага энергетыка распачалі крымінальную справу за халатнасць, якая пацягнула прычыненне шкоды ў асабліва буйным памеры (ч. 1 арт. 428 КК). Справа накіравана ў суд.