Скриншот видео
Прэзідэнт ЗША Дональд Трамп у інтэрв’ю Fox News паўтарыў свае пагрозы на адрас іранскіх уладаў. Раней ён ужо заяўляў, што можа падтрымаць пратэсты ў Іране ў выпадку іх жорсткага падаўлення.
“Раней яны пачыналі бязлітасна расстрэльваць людзей. І раптам людзі без усякай зброі стаяць там, і іх расстрэльваюць з аўтаматаў, або іх вязуць у турмы, вешаюць і забіваюць. Яны дзейнічалі груба. Калі яны будуць так сябе паводзіць, мы вельмі моцна ўдарым па іх. Мы можам моцна ўдарыць. Мы гатовыя гэта зрабіць”, — сказаў ён.
На пачатку года Трамп ужо казаў, што калі Іран будзе страляць і жорстка забіваць мірных пратэстоўцаў, то ЗША прыйдуць ім на дапамогу.
Пратэсты ў Іране працягваюцца з канца снежня. Учора ў краіне былі адключаныя тэлефонная сувязь і інтэрнэт. Сёння раніцай іранскае дзяржТБ упершыню парушыла маўчанне наконт пратэстаў.