Фото: t.me/kgk_oficial
У першы дзень уступных іспытаў з аўдыторый былі выдаленыя 14 абітурыентаў: 9 — з цэнтралізаванага экзамену, 4 — з цэнтралізаванага тэсціравання.
Прычынамі сталі пранос і выкарыстанне мабільных тэлефонаў, навушнікаў і шпаргалак, паведамілі ў прэс-службе Камітэта дзяржкантролю Беларусі. Адзін з абітурыентаў спрабаваў выкарыстоўваць смарт-акуляры. Усе вынікі ануляваныя.
Папярэднія вынікі першага дня падвялі КДК з Дзяржаўнай камісіяй па кантролі за ходам уступнай кампаніі. Сур’ёзных парушэнняў зафіксавана не было.
У ведамстве нагадалі, што на іспыты можна браць толькі пашпарт, пропуск і гелевую ручку з чорным чарнілам. Кантроль маюць намер працягнуць і ў наступныя дні ва ўсіх пунктах правядзення іспытаў.