Студатрадаўцам плацілі менш за мінімальную зарплату ў Краснапольскім раёне

Рэдакцыя Reform.news · 27 ліпеня 2026, 09:31

https://reform.news/be/studatrada-cam-placili-mensh-za-minimalnuju-zarplatu-krasnapolskim-rajone/

Пракуратура паведаміла пра выпадак парушэння працоўнага заканадаўства ў дачыненні да членаў студэнцкага атрада ў Краснапольскім раёне.

Праверку правялі пасля звароту «законнага прадстаўніка непаўналетняга». Было ўстаноўлена, што 19 непаўналетніх студатрадаўцаў і іх паўналетні камандзір працавалі на прадпрыемстве. У адпаведнасці з Працоўным кодэксам на студатрадаўцаў распаўсюджваюцца гарантыі па захаванні велічыні мінімальнай заработнай платы.

«Аднак фактычна ўдзельнікі студэнцкага атрада не атрымалі прадугледжаную для іх мінімальную заработную плату — агульная сума недаплачаных грашовых сродкаў склала больш за 5 тыс. рублёў», — паведамілі ў пракуратуры.

20 студатрадаўцам даплацілі да памеру мінімальнай зарплаты пасля прадпісання пракуратуры. У дачыненні да кіраўніка прадпрыемства ініцыяваны адміністрацыйны працэс.