Ольга и Дмитрий Капузы. Фото: "Вясна"
Дзмітрый і Вольга Капузы з Драгічынскага раёна атрымалі 24 і 21 год пазбаўлення волі адпаведна па абвінавачанні ў «акце тэрарызму» і «незаконных дзеяннях з боепрыпасамі», паведамляе праваабарончы цэнтр «Вясна».
36-гадовых Дзмітрыя і Вольгу затрымалі 16 студзеня 2024 года. Пасля затрымання на дзяржаўным тэлебачанні паказалі ролік «Зачыстка. Барацьба з дыверсантамі і агентамі спецслужбаў Украіны ў Беларусі», у якім прапагандысты заявілі, што пара нібыта працавала на ўкраінскія спецслужбы. Усяго тады было затрымана 12 чалавек. Сцвярджалася, што яны нібыта забіралі выбухоўку і рабілі схованкі на тэрыторыі Беларусі. Пры затрыманні ў Дзмітрыя стралялі і паранілі ў сцягно.
Суд праходзіў у закрытым рэжыме. Акрамя тэрмінаў пазбаўлення волі Дзмітрый і Вольга атрымалі буйныя штрафы. Улетку 2025 года іх унеслі ў «спіс тэрарыстаў».