Фото: facebook.com/mohamedabukar.zubeyr
8 красавіка пасол Самалі ў Беларусі па сумяшчальніцтве Махамед Абукар Зубеір уручыў копіі даверчых грамат першаму намесніку міністра замежных спраў Беларусі Сяргею Лукашэвічу.
На сустрэчы ў беларускім МЗС бакі пацвердзілі ўстанаўленне канструктыўных і ўзаемапаважлівых адносін паміж Самалі і Беларуссю.
«Мы абмеркавалі магчымасці развіцця новага і перспектыўнага двухбаковага партнёрства, уключаючы супрацоўніцтва ў сферы гандлю і інвестыцый, нарошчвання патэнцыялу і тэхнічнага абмену, адукацыі і культурных сувязяў. Я выказаў гатоўнасць Самалі да вывучэння сумесных ініцыятыў, якія спрыяюць эканамічнаму росту і развіццю чалавечага патэнцыялу», – напісаў Зубеір у Facebook.
Пасол выказаў надзею на цеснае супрацоўніцтва з МЗС Беларусі для абмеркавання канкрэтных праграм і пагадненняў.