Фото: ОСВОД
Шасцігадовае дзіця патанула ў Нёмане ў Іўеўскім раёне.
Маці з сынам знаходзілася ў сядзібе ў вёсцы Мікалаева. Каля гадзіны дня жанчына адцягнулася на некалькі хвілін для прыгатавання ежы на вогнішчы. За гэты час дзіця знікла.
Каля 17:00 мясцовы жыхар выявіў цела дзіцяці ў вадзе за два кіламетры ніжэй па цячэнні, за чатыры метры ад берага. Глыбіня ў тым месцы складала 2 метры, паведамляе АСВОД.
Абставіны здарэння высвятляюцца. Прызначана судова-медыцынская экспертыза.