Фото: ctu.customs.gov.ru
Расіяніна спрабаваў увезці з Расіі ў Беларусь 176 манет Германскай імперыі, але яго затрымалі расійскія мытнікі.
Легкавы аўтамабіль расіяніна спынілі ў раёне населенага пункта Красная Горка Смаленскай вобласці Расіі. Мытнікі знайшлі ў багажніку нумізматычны альбом са 176 манетамі Германскай імперыі. У кіроўцы не было дакументаў, якія дазваляюць вываз манет за межы РФ.
Экспертыза заключыла, што 144 манеты адносяцца да катэгорыі культурных каштоўнасцяў, іх узрост перавышае 100 гадоў, а агульны кошт складае больш за 1 млн расійскіх рублёў (37,4 тысячы беларускіх рублёў), паведамляе Цэнтральнае мытнае ўпраўленне ФТС РФ.
У дачыненні да расіяніна ўзбудзілі крымінальную справу за замах на кантрабанду культурных каштоўнасцяў у буйным памеры. Яму пагражае да пяці гадоў пазбаўлення волі.