Пастанова аб інфармацыйных сістэмах у адукацыі змяшчае пункт “для службовага карыстання”

Сёння на Нацыянальным прававым інтэрнэт-партале апублікавана пастанова Савета міністраў №77 ад 13 лютага “Аб дзяржаўных аўтаматызаваных інфармацыйных сістэмах у сферы адукацыі”.

Дакументам зацверджаны:

• Палажэнне аб дзяржаўнай аўтаматызаванай інфармацыйнай сістэме «Інфармацыйнае ядро Рэспубліканскага інфармацыйна-адукацыйнага асяроддзя»,
• Палажэнне аб дзяржаўнай аўтаматызаванай інфармацыйнай сістэме «Рэестр тых, хто мае патрэбу ў дашкольнай адукацыі, спецыяльнай адукацыі на ўзроўні дашкольнай адукацыі».

Яшчэ адзін абзац у гэтым пункце схаваны пад грыфам “для службовага карыстання”, ён уступае ў сілу праз тры месяцы пасля афіцыйнага апублікавання, у той час як пастанова ў цэлым — пасля апублікавання.

Згодна з тэкстам пастановы, аўтаматызаваная сістэма «Інфармацыйнае ядро Рэспубліканскага інфармацыйна-адукацыйнага асяроддзя» ўключае дзесяць банкаў даных, адзін з якіх схаваны пад грыфам “для службовага карыстання”:

• «Рэгістр навучэнцаў устаноў адукацыі, іншых арганізацый»;
• «Рэгістр устаноў адукацыі, іншых арганізацый»;
• «Рэгістр педагагічных і іншых работнікаў сістэмы адукацыі»;
• «Банк даных адоранай моладзі»;
• «Рэспубліканскі банк даных дзяцей-сірот, дзяцей, якія засталіся без апекі бацькоў»;
• «Банк даных аб дзецях з асаблівасцямі псіхафізічнага развіцця»;
• «Банк даных аб аздараўленні за мяжой дзяцей, спісы якіх узгоднены з Міністэрствам адукацыі»;
• «Банк даных аб дакументах аб адукацыі».

Уладальнікам дадзенай сістэмы будзе Міністэрства адукацыі, а яе аператарам — галоўны інфармацыйна-аналітычны цэнтр дадзенага міністэрства.