Кіроўца дарожнага катка загінуў падчас дарожных работ каля вёскі Лапяны ў Браслаўскім раёне.
У красавіку гэтага года рабочы 1985 года нараджэння выконваў дарожныя работы на дарозе «Полацк — Мёры — Браслаў». Ён страціў кантроль над катком і з’ехаў у кювет.
Няўстойлівы каток перакуліўся на мужчыну і прыціснуў яго. Медыкі, якія прыбылі на месца, канстатавалі смерць рабочага.
Судова-медыцынская экспертыза ўстанавіла, што смерць наступіла ў выніку спалучанай тупой траўмы галавы, шыйнага аддзела пазваночніка, грудной клеткі і канечнасцяў, паведамляе Дзяржаўны камітэт судовых экспертыз.
🔥 Падтрымайце Reform.news данатам!