На БелАЭС пройдзе планавая інспекцыя МАГАТЭ

Рэдакцыя Reform.news · 9 снежня 2025, 18:23

https://reform.news/be/na-belajes-projdze-planavaja-inspekcyja-magatje/

Беларусь у адпаведнасці з Пагадненнем аб прымяненні гарантый у сувязі з Дагаворам аб нераспаўсюджанні ядзернай зброі прымае чарговую планавую інспекцыю МАГАТЭ, паведамляе прэс-служба Дзяражатамнагляду.

Інспектары Агенцтва наведаюць дзяржаўнае прадпрыемства «Беларуская АЭС» 9–10 снежня 2025 года. У ходзе працы спецыялісты правядуць фізічную інвентарызацыю ядзернага матэрыялу, выканаюць тэхнічнае абслугоўванне сістэм захавання і назірання МАГАТЭ, а таксама правераць вядзенне ўліковай дакументацыі на аб’екце.

***

Пагадненне аб прымяненні гарантый паміж Беларуссю і МАГАТЭ было заключана 14 красавіка 1995 года. Кампетэнтным органам дзяржаўнай сістэмы гарантый у краіне вызначана Міністэрства па надзвычайных сітуацыях, функцыі якога выконвае Дзяржатамнагляд. На яго, у прыватнасці, ускладзена забеспячэнне ўмоваў для правядзення і суправаджэння інспекцый МАГАТЭ.

Гарантыі МАГАТЭ з’яўляюцца ключавым элементам міжнароднай сістэмы бяспекі. Яны ўяўляюць сабой комплекс тэхнічных мер, якія прымяняюцца да ядзерных установак і матэрыялаў, што выкарыстоўваюцца дзяржавамі.

Мэта гарантый — незалежным чынам пацвердзіць, што дзяржавы выконваюць свае абавязальніцтвы і не выкарыстоўваюць ядзерныя ўстаноўкі ў не мэтавых мэтах, а таксама не перамяшчаюць ядзерныя матэрыялы з мірнага выкарыстання на вытворчасць ядзернай зброі або іншых ядзерных выбуховых прылад. Такія меры прымяняюцца на аснове заключаных Пагадненняў аб гарантыях, да якіх дзяржавы далучаюцца добраахвотна.