МУС адсправаздачылася пра чарговую перамогу над праслаўленнем нацызму

Рэдакцыя Reform.news · 5 чэрвеня 2026, 11:12

https://reform.news/be/mus-adspravazdachylasja-pra-chargovuju-peramogu-nad-prasla-lennem-nacyzmu/

ГУБАЗіК МУС пры падтрымцы спецназа затрымаў 26-гадовага жыхара Магілёўскай вобласці. Маладому чалавеку інкрымінуецца рэабілітацыя нацызму.

Паводле версіі міліцыі, мужчына з мая 2022 года “вырабляў і публікаваў відэа, фотавыявы, а таксама аўдыязапісы, накіраваныя на апраўданне ідэалогіі нацызму, прызнанне яе правільнай, такой, што мае патрэбу ў падтрымцы і перайманні, а таксама на гераізацыю нацысцкіх злачынцаў і іх памагатых, праслаўленне здзейсненых імі злачынстваў”.

Гэтыя матэрыялы размяшчаліся ў групах і каналах у месенджарах, а таксама ў сацыяльных сетках. У МУС таксама адзначылі, што ён атрымліваў прыбытак ад сваёй дзейнасці, у прыватнасці зарабіў больш за 3 тыс. долараў “на песнях экстрэмісцкага характару”.