Мінфін размесціць дзяржаўныя аблігацыі ў беларускіх рублях

Рэдакцыя Reform.news · 10 ліпеня 2026, 11:57

https://reform.news/be/minfin-razmescic-dzjarzha-nyja-abligacyi-belaruskih-rubljah/

Міністэрства фінансаў Беларусі анансавала правядзенне аўкцыёну па размяшчэнні дзяржаўных доўгатэрміновых аблігацый у беларускіх рублях.

Ён адбудзецца 14 ліпеня ў сістэме Беларускай валютна-фондавай біржы.

Намінал адной аблігацыі 409-га выпуску — 1000 рублёў. Аб’ём выпуску складзе 70 млн рублёў. Дата пагашэння каштоўных папер — 14 ліпеня 2028 года.

Па аблігацыях будзе ўстаноўлены пастаянны працэнтны даход. Яго памер вызначаць па выніках аўкцыёну.

Даход будуць выплачваць адзін раз на паўгода. Прадугледжана магчымасць датэрміновага выкупу аблігацый.

У чэрвені гэтага года Мінфін эмітаваў першы выпуск дзяржаўных інтэрнэт-аблігацый. Каштоўныя паперы на агульную суму 50 млн рублёў даступныя праз сістэмы «Беларусбанка» і «Белаграпрамбанка». Па іх устаноўлены даход у памеры стаўкі рэфінансавання Нацбанка, павялічанай на 0,25 п.п. На дадзены момант гэта 9,5% гадавых.