МАРГ вызначыў штомесячны дапушчальны рост цэн на 2026 год

Міністэрства антыманапольнага рэгулявання і гандлю вызначыла паказчыкі штомесячнага дапушчальнага росту цэн. За год яны не павінны вырасці больш чым на 7%.

Пастанова МАРГ №84 ад 30 снежня сёння апублікаваная на Нацыянальным прававым інтэрнэт-партале і ўступае ў сілу пасля яе афіцыйнага апублікавання.

Паказчык дапушчальнага росту цэн у 2026 годзе да снежня 2025 года складае:

• студзень — 100,7%
• люты — 102%
• сакавік — 102,5%
• красавік — 103,1%
• май — 103,4%
• чэрвень — 103,8%
• ліпень — 104%
• жнівень — 104,2%
• верасень — 104,9%
• кастрычнік — 105,5%
• лістапад — 106,2%
• снежань — 107%.

Як раней тлумачылі ў МАРГ, міністэрства мае права выносіць дзяржаўным органам прадпісанні аб адмене рашэнняў па ўзгадненні адпускных цэн у выпадку, калі не выконваюцца параметры росту індэкса спажывецкіх цэн. Для рэалізацыі гэтых паўнамоцтваў ужо другі год і прымаецца пастанова аб паказчыках штомесячнага дапушчальнага росту цэн. Імі будзе кіравацца МАРГ, прымаючы рашэнні аб вынясенні або невынясенні прадпісанняў аб адмене ўзгаднення цэн дзяржаўнымі органамі і арганізацыямі.