Фото: Reform.by
Бюджэт будзе кампенсаваць «Беларусбанку» страты ад прадастаўлення экспартнага крэдыту расійскай кампаніі. Сёння на Нацыянальным прававым інтэрнэт-партале апублікавана пастанова Савета міністраў №7 ад 12 студзеня.
У адпаведнасці з дакументам, у 2026–2027 гадах са сродкаў рэспубліканскага бюджэту «Беларусбанку» будуць кампенсаваныя страты ад прадастаўлення экспартнага крэдыту расійскаму ТАА «СтройІнжынірынг» у памеры 4/5 ключавой стаўкі расійскага цэнтральнага банка.
Крэдытная лінія ў памеры амаль 1,29 млрд расійскіх рублёў была адкрыта 8 снежня мінулага года для аплаты падрадных работ, рэалізаваных ААТ «Будаўнічы трэст № 12» — кіруючая кампанія холдынга «СТРОЙТРЭСТ-ХОЛДЫНГ». Умовай для кампенсацыі страт з’яўляецца страхаванне экспартных рызык.