Мінздароўя ўстанавіла месячную суму выдаткаў на пацыента пры рэалізацыі дзяржзаказу ў 2026 годзе

Міністэрства аховы здароўя пастановай №210 ад 31 снежня зацвердзіла гранічныя сумы выдаткаў на аднаго грамадзяніна пры аказанні і ўдзеле ў аказанні медыцынскай дапамогі ў рамках дзяржаўнага сацыяльнага заказу ў 2026 годзе. Дакумент сёння афіцыйна апублікаваны на Нацыянальным прававым інтэрнэт-партале.

У адпаведнасці з пастановай гранічная сума выдаткаў у месяц на аднаго грамадзяніна пры аказанні і ўдзеле ў аказанні медыка-сацыяльнай дапамогі па-за арганізацыяй аховы здароўя (па месцы жыхарства або месцы знаходжання грамадзяніна) складзе:

• 656 рублёў (+66 рублёў у параўнанні з 2025 годам) пры аказанні дапамогі грамадзянам, якія маюць рэзка выяўленае (функцыянальны клас 4) абмежаванне здольнасці да самаабслугоўвання і (або) самастойнага перамяшчэння, і (або) арыентацыі;
• 388 рублёў (+37 рублёў) пры аказанні дапамогі грамадзянам, якія маюць выяўленае (функцыянальны клас 3) зніжэнне трох і больш катэгорый жыццядзейнасці, што прыводзіць да сіндрому сацыяльнай кампенсацыі;
• 535 рублёў (+53 рублі) пры аказанні дапамогі грамадзянам, якія маюць псіхічныя разлады і разлады паводзінаў, што прывялі да выяўленага (ФК 3) або рэзка выяўленага (ФК 4) абмежавання здольнасці кантраляваць свае паводзіны.

Дадзеныя сумы выкарыстоўваюцца пры выдзяленні са сродкаў мясцовых бюджэтаў субсідый індывідуальным прадпрымальнікам, недзяржаўным арганізацыям аховы здароўя, недзяржаўным некамерцыйным арганізацыям, якія ўдзельнічаюць у рэалізацыі дзяржзаказу ў галіне аховы здароўя і аказваюць медыцынскую дапамогу насельніцтву, у тым ліку інвалідам, забяспечваюць доўгатэрміновы догляд за пажылымі і г.д.