Лукашэнка вылецеў у Маскву

Аляксандр Лукашэнка накіраваўся ў Маскву для ўдзелу ў пасяджэнні Вышэйшага дзяржаўнага савета Саюзнай дзяржавы.

“Рабочы візіт. Перамовы на найвышэйшым узроўні. Саюзная павестка”, — паведамілі ў яго прэс-службе.

Раней паведамлялася, што на пасяджэнне вынесены Асноўныя напрамкі рэалізацыі палажэнняў Дагавора аб стварэнні Саюзнай дзяржавы на 2024-2026 гады, а таксама будзе абмяркоўвацца распрацоўка праекта аналагічнага дакумента на 2027-2029 гады.

Сярод іншых пунктаў павесткі:

• арганізацыя трансгранічных прыгарадных пасажырскіх зносін;
• стварэнне Камітэта па стандартызацыі і якасці Саюзнай дзяржавы;
• узаемная падтрымка ў супрацоўніцтве ў галіне міжнароднага правасуддзя;
• прысуджэнне прэмій Саюзнай дзяржавы ў галіне літаратуры і мастацтва за 2025-2026 гады.