Лукашэнка патрабуе ад навукоўцаў абнуліць беспілотнікі
Рэдакцыя Reform.news · 6 кастрычніка 2026, 10:54
https://reform.news/be/lukashjenka-patrabue-ad-navuko-ca-abnulic-bespilotniki/Аляксандр Лукашэнка ў чарговы раз запатрабаваў ад беларускіх навукоўцаў “абнуліць беспілотнікі”. Сёння ён прыехаў на выпрабавальны палігон ДНУ “Інстытут парашковай металургіі імя акадэміка А. В. Рамана”, дзе для яго арганізавалі выставу ваенных і грамадзянскіх распрацовак айчынных навукоўцаў.
“Гэта істотныя дзяржаўныя ўкладанні. Яны даюць той вынік, які могуць даць і патрэбны нам? Мы маем тую аддачу, якую павінны мець? Агульныя размовы нікому не патрэбныя. Задачы надзвычайныя. Іх трэба вырашаць імгненна. Без навукі нікуды”, – сказаў ён, перадае яго прэс-служба.
У якасці прыкладу Лукашэнка прывёў распрацоўку эфектыўнага сродку супрацьдзеяння беспілотнікам.
“Калі мы разумныя, баяздольныя, прасунутыя, з характарам, то зрабіце гэта. Нам трэба абнуліць беспілотнікі. Гэтую задачу вырашаюць самыя прасунутыя краіны і кампаніі”, – сказаў ён.
Лукашэнка не першы раз выстаўляе такое патрабаванне. У пачатку жніўня на нарадзе па стварэнні Акадэміі інтэлектуальных тэхналогій ён выказваў надзею, што ў сценах новай установы змогуць вынайсці “спецыфічны наймагутнейшы сродак барацьбы з беспілотнікамі”, які “абнуліць у свеце ўсе гэтыя беспілотнікі”. У студзені гэтага года падчас зацвярджэння рашэнняў на ахову Дзяржаўнай мяжы ў 2026 годзе Лукашэнка шкадаваў, што ў краіне яшчэ не навучыліся на 100% рэагаваць на ўсе залёты беспілотнікаў і знішчаць іх. Праўда, перад гэтым, у лістападзе 2025 года, ён публічна марыў пра неўразлівы беспілотнік.
Сёння Лукашэнка таксама папярэдзіў старшыню прэзідыума НАН Уладзіміра Караніка, што чарговы даклад яму не павінен быць “казкай”.
“Патрэбны вынік. Пры падрыхтоўцы да гэтай паездкі я падумаў пра тое, што Уладзімір Сцяпанавіч упершыню не толькі мне, але і народу далажыць пра свае поспехі ў забеспячэнні бяспекі дзяржавы. Гэта не павінна быць чарговай казкай, што мы заўтра нешта зробім”, – сказаў ён.
“Мужыкі, я хачу, каб вы разумелі. Гэтыя размовы агульныя… Яны нікому не патрэбныя. Мы ваенным ставім задачы надзвычайныя. І іх трэба вырашаць імгненна”, – дадаў ён.
будзе дапоўнена